सेठ नंदलाल धूत हॉस्पिटल बद्दल

मराठवाडा वैद्यकीय संशोधन आणि ग्रामीण विकास संस्था संचलित सेठ नंदलाल धूत रुग्णालयाचे उद्घाटन २६ एप्रिल १९९८ रोजी भारताचे तत्कालीन उपराष्ट्रपती दिवंगत श्री. कृष्णकांत यांच्या शुभ हस्ते झाले.

व्हिडिओकॉन उद्योग समूहाचे संस्थापक अध्यक्ष पूज्य नंदलालजी धूत (काकासाहेब) यांनी आपले संपूर्ण आयुष्य समाजसेवेसाठी वाहून घेतले. त्यांच्या सहृदयीपणाच्या भावनेमुळे ते समाजातील गरीब, शोषित आणि उपेक्षित वर्गाप्रती अत्यंत संवेदनशील झाले. हे रुग्णालय त्यांच्या प्रदीर्घ स्वप्नांची पूर्तता आहे.

निःस्वार्थ सेवेचा हाच वारसा पुढे नेत त्यांच्या मुलांनी वडिलांच्या नावाने सेठ नंदलाल धूत हॉस्पिटल सुरू करण्याचा निर्णय घेतला. या माध्यमातून इथल्या मातीतील भूमिपूत्राच्या स्मृतीस विनम्र अभिवादन करण्याचा हा प्रयत्न आहे. पुढील टप्प्यात १२ एप्रिल २००३ रोजी येथील कार्डियाक सेंटरचे उद्घाटन भारताचे उप पंतप्रधान माननीय श्री. लालकृष्ण अडवाणी यांच्या हस्ते करण्यात आले. आज हे रुग्णालयाचा महाराष्ट्रातील आघाडीचे मल्टी-सुपर स्पेशालिटी हॉस्पिटल म्हणून नावलौकिक आहे.